Vegur vínsins

4.3.2007 | 23:21

Mourvédre

þessi þrúga virðist vera að skapa sér meira nafn í hinum alþjóðaheimi vínsins. Þrúgan er líka þekkt undir nafninu monastrell á Spáni og Mataro í Ástralíu. Heimkynni hennar er Bandol í Provence við miðjarðarhafið þar sem að hún hefur gengið í endurnýjun lífdaga á síðustu árum sem og nánast öll víngerð í því héraði. Hún er í öðru sæti yfir mest ræktuðu þrúgur á spáni á eftir Garnacha. Hún er erfið í ræktun og getur gefið af sér eitt gott ár og svo þarf jafnvel að bíða í allt að tíu ár eftir næsta góða ári. Enn best gengur henni í hlýju loftslagi eins og við miðjarðarhafið í Evrópu.
En af hverju leitum við í mourvédre vínum. Hún angar af leðri, kryddjurtum og pipar og oft verðu hún sætari í nýja heiminum. Hún virðist njóta sín mjög vel með grenach og syrah (þau vín oft nefnd GSM) þar sem að hún virðist gefa gott krydd í vínin á móti fyllingu grenche og ávextinum í syrah. Dæmi um vín þar sem að mourvédre á í hlut eru, Domaine Tempier Cabassaou, d´Arenberg Mourvédre og Rosemount GSM

Matur og drykkur | Slóð | Facebook | Athugasemdir (0)

19.2.2007 | 17:23

Frábær GAJA

Jæja þá er ég nýkominn af GAJA kynningunni. Þar var smakkaður fjöldinn allur af frábærum vínum frá þessum einstaka framleiðanda sem einblínir frekar á gæði en magn.

Fyrst var smakkað hvítvínið GAIA & REY 1995 (GUY-yah eh rey) Langhe D.O.C. Þetta er chardonnay sem er geymdur á lítið notaðri eik í 6-8 mánuði og þvílíkt nammi. Lyktin var hunang og sítrus en í munni marsipan og aprikósur og gott jafnvægi bæði á sýru og eik. Vægast sagt frábært vín. Einkunn 9,5

Sito Moresco 2004 (SEE-toh moh-RES-koh)Langhe D.O.C. 35% Nebbiolo 35% Merlot35% Cabernet Sauvignon. 18 mánuðir á eik og 6 á flösku skiluðu sér í angan af rauðum berjum og flauelsmjúkt í munni með þónokkurri sýru, svolítið kardó í eftirbragði. Fínt vín einkunn 8,8

Promis 2004 ( PRO-mees) Toscana I.G.T. 55% Merlot 35% Syrah 10% Sangiovese Þetta vín var fjólublátt að lit og ilmaði af kirsuberjum með eik i undirtón. Í munni var það sólríkt og í góðu jafnvægi. Einkunn 8,5

Rennina 2000 ( ray-NEE-nah) Brunello di Montalcino D.O.C.G. Tvö ár á eik og tvö á flösku gaf af sér þroskaða rauða ávexti. Flauelsmjúkt í munni með sætum undirtón og töluverðu tanníni. Einkunn 9,2

Conteisa 1991 (kohn-TAY-zah) Langhe D.O.C.G var 100% nebbiolo sem var kominn með múrsteinsrauðan lit sökum aldurs gaf þó af sér angan af rauðum ávöxtum þó svo að minna hafi farið fyrir þeim í munni. Kannski kominn yfir það léttasta sökum aldurs. Einkunn 7

Barbaresco 2001 (bar-bah-RES-koh) Barbaresco D.O.C.G 100% nebbiolo. 24 mánuðir á eik, dökkrauður að lit og ilmur rauðum og dökkum berjum. Vel uppbyggt vín í munni og flókið bragð og silkimjúk tannín. Þetta vín var alveg tilbúið til drykkju en framleiðandi segir að hægt sé að geyma það í um 30 ár (líklegt að það klárist áður en nær 30 ára aldri) Einkunn 9,7

Niðurstaða: öll vínin með frábæran karaktar en báru þess merki að sami víngerðarmaðurinn hafi haft sína putta á þeim og á hann heiður skilinn fyrir einstök vín sem enginn unnandi góðra vína ætti að láta fram hjá sér fara.

Matur og drykkur | Slóð | Facebook | Athugasemdir (3)

19.2.2007 | 13:53

Dominique Plédel Jónsson

Franska víndrottningin sem hefur undanfarið alið manninn í Íslandi hélt námskeið fyrir vínklúbb Akureyrar síðastliðnn miðvikudag. Heiti námskeiðsins var vínlandafræði. Þetta var kannski ekki djúpsjávarköfun í vínlandafræði. Heldur var farið létt í sögu vínsins, víngerðina og mismuninn milli nýja og gamla heimsins. Síðan voru smökkuð nokkur vín.

Leonardo Chianti þótti nútímalegur þó með hefðbundnum kirsuberjailm og var frekar sætur í munni

Beronia Reserva var nokkuð hefðbundinn Rioja, eikaður og vanilluilmur og ilmur af appelsínu og því verðugt að prófa með súkkulaði

Chateau d´Agassac ver frekar lokaður en ilmaði þó af sólberjum og eik, en þyrfti að geyma í 2-5 ár eða umhella kröftulega fyrir neyslu.

Trivento Cabernet Malbec var gríðarlega þunglamalegur og illaðgengilegur

Pepperwood Syrah var frekar ljóst að lit miðað við syrah, lítl eik og töluverð sýra, svolítið nýr stíll á syrah vínum

Climbing shiraz fékk miðaverðlaunin þetta kvöldið. En hér er á ferð gamall víngerðamaður frá Rosemount sem hefur greinilega ekki fengið sínum hugmyndum framgengt þar. Hérna hefur hann lækkað alkóhólið og eikina sem skilar sér í betra jafnvægi og aðgengilegara víni. Flott með grilluðu rib eye

Næst tek ég fyrir vín frá Gaja en víngerðamaðurinn Angelo Gaja er margverðlaunaður í sínu fagi og verður það nú aldeilis spennandi

Matur og drykkur | Slóð | Facebook | Athugasemdir (5)

19.2.2007 | 13:35

Nýtt þema fyrir bloggið

jæja eftir að hafa ekki látið sjá mig hérna inni í mánuð þá hef ég tekið þá ákvörðun að skipta um þema á blogginu. Í stað þess að reyna að koma með fyndin comment á fréttir af mbl.is hef ég ákveðið að helga bloggið matar og vínmenninug heimsins. Voandi verður það til þess að ég kannski pára eitthvað hérna inn einu sinni í viku eða svo............

Matur og drykkur | Slóð | Facebook | Athugasemdir (0)

22.1.2007 | 23:02

er hitabylgja á leiðinni........

óli stef kastaði fram þessari heimspekilegu vangaveltu eftir leikinn í dag að íslenska landsliðið væri eins og íslenska veðrið, já þetta er djúpt hjá kallinum. Annars var 8 gráðum hlýrra í dag enn í gær þannig að þetta er kannski rétt hjá honum. Við verðum bara að vona að það komi hitabylgja og þá verðum við heimsmeistarar. Góður leikur strákar.

Bloggar | Slóð | Facebook | Athugasemdir (1)

19.1.2007 | 23:12

karlmennskan uppmáluð

rosalega yrði ég stoltur ef að sonur minn myndi hlaupa á brókinni 3 hringi í kringum skólann sinn. Það eru ennþá karlmenn þarna úti. Go Hornafjörður

	Skólapiltar heilsuðu þorra á brókinni
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (0)

18.1.2007 | 20:51

Áfram Halla

Ekki það að ég þekki þessa konu neitt en af þeim framboðum sem kominn eru fram þá hljótum við að stiðja Höllu. Þessi Jafet gaur, fyrrverandi bankastjóri eða eitthvað í þá áttina, lýtur út eins og frampot af verstu gerð og það af gamla skólanum. Svo er það Geir Þorsteins sem mun væntanlega fara í sömu vaðstígvélin og Eggert Magnússon hefur verið í. Það er kominn tími til að hrista upp í KSÍ eftir mikla vaxtarverki síðustu ára. Við hljótum að geta hætt að stunda þenna lobbyisma sem hefur grasserað í UEFA, FIFA, KSÍ og öðrum knattspyrnusamböndum í heiminum í dag. Þetta hefur bara verið hreppapolítík af verstu gerð. Þess vegna verðum við að fá nýtt og fersk blóð í KSÍ formannsstólinn.

	Halla gefur kost á sér í formannskjöri KSÍ
Ábyrgðarmaður færslu Tilkynna um óviðeigandi tengingu við frétt

Bloggar | Slóð | Facebook | Athugasemdir (0)

18.1.2007 | 00:01

Fanney Dóra fann mig

alltaf þegar ég hef byrjað á bloggi hef ég ekki meikað það nema í svona 2 vikur. Þess vegna þegar ég byrjaði á þessu þá ákvað ég að segja ekki neinum frá þessu, ekki einu sinn konunni minni. En nú er Fanney Dóra búinn að finna mig og þá þarf ég að fara að taka ákvörðun hvort að blogg þjónsins verður gert opinbert eða ekki.

Bloggar | Slóð | Facebook | Athugasemdir (1)

6.1.2007 | 00:56

Chateau d´yquem

Núna rétt fyrir jól var boðið upp ótrúlegt safn af einu frægasta víni í heimi. 125 flöskur af Chateau d´yguem árgangur 1860-2003, ein flaska í árgangi. Safnið var í einkaeign en skipti um eiganda einu sinni. Það sem er merkilegt við þetta boð er að ekki bara er þetta stærsta hvítvínshúsið í heiminum(reyndar er þetta sætvín) heldur getur kjallari Chateau d´yquem ekki státað af því að eiga alla þessa árganga. Þetta safn fór á litla 1.5milljónir dollara og fylgdi með sérsmíðaður geymsluskápur fyrir herlegheitin. Það sem betra er að í skápnum var enn pláss fyrir 50 flöskur þannig að nýji eigandinn getur haldið áfram að safna. Það á greinilega ekki að fara að drekka þetta strax en sem betur fer er þetta það vín sem eldist hvað best á flösku ásamt góðum árgangs portvínum. Nýr eigandi getur þó allavegana státað sig af einu flottasta vínsafni í heimi

Bloggar | Slóð | Facebook | Athugasemdir (2)

6.1.2007 | 00:49

erum við að láta nossarana taka okkur....

ég sem hélt alltaf að við íslendingar værum duglegust á tæknisviðinu, öll heimili í landinu með adsl, 5-105 ára með gsm síma. Svo kemur nossarinn og tekur okkur í bakaríið. Síminn og Vodafone hljóta að eiga eftir að skila inn sínum tölum, eða að þeir hafi gleymt að reikna inn þessa margfrægu höfðatölu. Ég man þegar ég var í tilhugalífinu þá komst maður uppí 1000 SMS á mánuði og það skilaði sér í því að ég er tveggja barna faðir í dag í sambúð og það á ég bara gsm símanum mínum að þakka..... eða hvað